鮮蒲 (Closed)

睇男神黃子華棟篤笑之前要醫下個肚先！搵到呢間好隔涉勁隱蔽既鋪頭，身為蜆控當然俾佢個錫紙包蜆吸引到過黎😍一打開見到有生菜同粉絲同啲蜆，蜆大約有十隻，無沙，幾鮮甜，漲卜卜。重有啲茶樹菇，啲粉絲索左啲湯汁少少辣，食完啲粉絲仍然好想飲晒啲湯，不過fiancé 怕我睇黃子華會勁頸渴飲水就阻止左我😭最後都無好頸渴，所以相信湯底無乜味精。津市牛肉麵相對無咁吸引，叫左湖南米粉，比普通米線硬啲，牛腩都淋，不過整體都比較普通，唔係好突出。