泰昌餅家 (裕景中心) (Closed)

下午茶時間最好係有一杯奶茶同食個蛋撻，今日咁岩經過泰昌餅家，呢間鋪頭裝修完，好光猛，靚左，見着一盤盤新鮮熱辣出爐的蛋撻整齊地排好，好香好香，忍唔住買咗兩個嚟食，一個酥皮，一個餅皮，熱辣辣，啲香味係個膠袋上面飄出嚟，急不及待回家享用，先食酥皮，酥皮好酥化，而且牛油味香濃，蛋漿唔太甜，蛋味亦是香濃，而且蛋漿好軟滑，至於餅皮嗰個，個皮好脆，牛油味都係咁香濃，唔會一咬全部散晒，蛋漿同酥皮嘅一樣，甜度剛剛好，同樣的嫩滑，唔似有啲蛋撻乾爭爭到蛋漿裂開，一次過食晒兩種唔同口感嘅蛋撻做下午茶真係太幸福了