18樓雞煲火鍋專門店

Open Now

Now Closed

荃灣大鴻輝中心岀名多雞煲多邊爐，今次食到18樓啦，入面好光亮，座位寬敞，枱面亦夠大去打擺邊爐既材料。雞煲有5種辣度揀，為左就友人既食辣程度而叫左小辣，個人就再想食辣啲，鐘意食辣既朋友可以大膽啲叫中、大辣。啲雞算滑身，係香辣既味道，帶小小甜味，好入味。食到尾既時後就加入左2吋高既豬骨湯，當然份h量可以自己調整啦，就開始打邊爐啦，邊爐材料既選擇非常多，仲有成雪櫃既菜可以任拎。每樣材料既份量都可以叫一份或半份，我估係依照人數俾，例如兩個人去食，蟹柳叫半份就上一條，份量少，但就唔怕浪費啦，啲食材亦十分新鮮。令人欣賞係佢有埋火鍋配料，仲要好多選擇，走之前仲可以食埋yogurt先走。朋友聚會、情侶約會都適合。