Nardo's Cafe (Closed)

呢間，都開左好多年，今晚去返，環境都無太大變化，紅白色。氣氛都係咁開心。模型架又多左d新鄰居，等野食個時可以去欣賞下。玩具架就有少少update啦。意式芝士焗肉醬意粉$105我比較大食，就叫加多少少底，但要食得完先好啊，唔係老板會罵你浪費食物架。芝士味同牛肉味仍然都係好濃厚，食完會好回味架xd但留意，會好飽！香蒜忌廉蜆肉煙三文魚意粉$129蜆肉非常多且有鮮味，三文魚就唔濃味，唔會蓋過蜆肉嘅味，同意粉對比，會覺得佢淡味d嘅，唔中意濃味嘅可以叫佢。焦糖朱古力要加$嘅，岩出嚟個時會濃味甜少少嘅，可以飲面頭個d先，我自己就中意濃少少嘅，所以就覺得岩岩夠甜同朱古力味。最後加多個甜品食下，幾好食。