黃記煌三汁燜鍋 (Closed)

今晚出尖沙咀順便搵媽咪食晚飯，去咗附近一間叫黃記煌既餐廳食燘鍋，雞煲嗰啲就食得多，燘鍋就真係未試過，鍾意食海鮮嘅我梗係叫個海鮮大軍燘鍋 呢個鍋主要有四款海鮮包括白蝦, 紅魚柳, 廣島蠔 & 墨魚仔 仲有其他配料，職員會喺你面前將所有材料一層一層舖入鍋裏面，之後同埋個蓋燜，但所有材料都熟曬就可以起筷 今次我哋叫咗個麻辣鍋，辣辣地都幾惹味， 整體嚟講材料唔算好多， 食材都算新鮮，之後加湯好似打邊爐可以再叫其他唔同嘅嘢食我哋另外仲叫咗美國安格斯肥牛，不過有d偏肥，味道口感一般想落order叫嘢飲嘅時候，發現有許留山嘅飲品甜品 一路食住心愛嘅甜品一路打邊爐