金泉茶餐廳 (Closed)

今日經過附近一間開左一段時間既餐廳，咁耐以尼都未幫襯過，見附近既餐廳基本上都食過哂，今次試下佢啦。下午茶時段焗豬扒飯配凍奶茶都係$37，價錢合理。大XX都唔包野飲啦，所以我都無咩要求，不求好食，但求唔難食。豬扒有一塊，豬扒夠淋，仲要厚切，蕃茄汁有蕃茄肉，唔會太酸，而且夠多汁，唔會乾“爭爭”，個飯係炒底，夠爽口，但芝士不多。凍奶茶茶味太澀，不太好飲。總括而言，以三十零蚊食個焗飯而味道比大型連鎖集團更好吃，值得再去。