番茄濃湯專門店 (Closed)

去巴黎倫敦紐約戲院睇戲前, 在附近食lunch, 想起有間食蕃茄的, 已收藏一段時間, 但一直未有機會人良到, 就今天試試吧。凍檸檳跟主餐+$8, 味道比較甜, 可以說它是濃郁, 檸檬片數都合理。Mozzarella 焗豬扒飯$66新鮮焗完, 熱辣辣, 豬扒揀了偏肥美的, 軟稔又juicy, 因為炸過夠香口, 肉質鬆化, 再加上蕃茄味醬汁融合埋mozzarella cheese, 好美味, 而底下的不是炒飯, 減少了熱氣。好食是好食, 但連飲品超過七十元, 有一點偏貴。時蔬粟米蕃茄滑蛋濃湯螺絲粉$41相比起濃味的豬扒飯, 這個就比較失色, 據說湯底是沒有加肉去煲, 所以比較清淡, 我選了少辣想惹味一點, 但個人覺得還是偏淡。滑蛋的滑度可以有提升的空間, 份量也是, 時蔬只有生菜, 有點悶, 粟米是特別+$5去配搭的, 但只有十多粒, 實在太少, 同類型的店, 我較喜歡在元朗的蕃滿門。