茶舍 (景福街)

Open Now

Now Closed

今日要買外賣返去俾屋企人做晚餐，呢間茶舍喺正Mikiki斜對面，好就腳～餐牌好大好清楚～ 就係選擇都唔少，有啲花多眼亂😆呢間茶餐廳竟然有室外文青雅座！宜家天氣涼，真係可以試吓坐喺呢度食😆公平起見，打算點三個焗飯大家分： 番茄汁牛脷焗飯, 咖哩牛腩焗飯及咖哩雞扒焗飯等外賣期間留意到佢哋茶餐廳竟然有cake賣！仲未粟子布朗尼～ 其實係咪mont blanc 🤔三個焗飯好有份量！ 外賣擰返屋企真係有啲重！個番茄牛脷焗飯有大大舊番茄，菠蘿同埋佢哋嘅飯有「炒底」 。焗飯嘅飯比較淋身，可以乾身返啲 。啲牛脷都好厚好大粒！食落都好淋咖哩雞扒焗飯塊雞扒炸得幾香口，唔會太乾，而且都幾厚身，啖啖肉😋咖哩牛腩焗飯啲牛腩出奇地好味，夠淋夠厚肉，有四大舊，有兩舊仲有小許肥膏，好有肥膏香 。咖哩配嘅薯仔係新薯連皮，有創意但我覺得始終去皮薯仔會淋啲入味啲 。港色咖哩香濃，如果可以多啲汁會再好啲 。