Oggi (Closed)

平時到天后食飯會選大坑，今次選了水星街既Oggi，朋友揸車，響附近蘋果商場附近既標位泊低，再行去水星街食。門牌同內裡裝修都用了田園風格，以草為主的大招牌， 餐廳有卡位，以小枱形式，環境優雅，最適合情侶同三五知己食飯。見到每張枱都必食推介～龍蝦意大利飯配蟹黃忌廉汁啦, 無懈可擊的價錢，只需要$99, 叫主食可加60蚊轉套餐, 都係激抵之選，首道係個鮮甜啤梨帶點酸甜味既沙律, 啤梨有兩大片，果肉汁味好鮮甜, 沙律菜充滿沾滿果肉味。再黎甘筍湯，湯質幼滑, 連埋餐前麵包一齊上，入口有淡淡的甘筍香味, 可蘸麵包食，好creamy。龍蝦意大利飯配蟹黃忌廉汁之後上主角龍蝦意大利飯，好大隻，多肉，彈牙，肉質鮮味無比，意大利飯配上蟹黃忌廉汁同龍蝦頭既膏烹調，非常入味，飯粒腍身被汁包住，之後 食埋個龍蝦鉗，已去殼好好服務，方便進食。其實$99真係超值，淨係一隻龍蝦，冇飯都抵啦！第二道係牛肉burger , 好多肥美薯條夠脆身, 免治牛肉有質感, 牛肉味香味濃，餡料足料，份量十足 。 甜品係柚子蒟弱, 好清新, 陣陣柚子香, 配埋橙塊夠清甜。再叫埋餐茶非常滿足。