Video
Read full review
2023-05-26
438 views
難得上週日天氣放晴，就立即相約朋友去燒烤，朋友住烏溪沙，話屋企附近有個海景燒烤場，咁就要去試下喇！黎到見個無敵大海景真係 “嘩”咗一聲，咁啱我地仲要安排坐係海邊，對住個無敵大海景燒烤，真係一大享受！我地叫左五人海鮮套餐同古法吊燒雞，套餐包埋燒烤網、鉗、餐具、燒烤叉、蜜糖、膠手套、紙巾同埋炭，仲有一本好似手冊嘅menu，入面除咗有各種食物價錢外，仲有埋各種食物燒烤方法同時間，跟住燒就唔會失手啦！古法吊燒雞吊燒雞已預早調好味，然後跟住手冊教路嘅方法燒，第一次燒雞真係好緊張，好彩火喉時間都控制得啱啱好，雞肉燒到嫩滑多汁，調味亦唔錯，少少鹹香味，幾好食。5人海鮮套餐套餐包括有彈牙海中蝦、蒜蓉半殼帶子、紐西蘭半殼青口、蜜汁叉燒、蜜汁叉燒、雞扒、豬扒、雞中翼、、海鮮三寶丸、爆汁芝味芝士腸、雞肉腸、台式脆皮腸、迷你日本甜薯、香甜粟米，全部都係用獨立包裝，方便又乾淨。呢到個爐好大個，所以我地決定用懶人燒烤法，將啲食物放埋係個網上面燒，容易啲控制火喉。彈牙海中蝦有名俾你叫，真係好彈牙，同埋都幾大隻。蒜蓉半殼帶子同紐西蘭半殼青口，本身都已經係熟，燒返熱就可以，帶子有埋蒜蓉同辣椒調味，仲要有埋粉絲，製作又幾
黎到見個無敵大海景真係 “嘩”咗一聲，咁啱我地仲要安排坐係海邊，對住個無敵大海景燒烤，真係一大享受！
我地叫左五人海鮮套餐同古法吊燒雞，套餐包埋燒烤網、鉗、餐具、燒烤叉、蜜糖、膠手套、紙巾同埋炭，仲有一本好似手冊嘅menu，入面除咗有各種食物價錢外，仲有埋各種食物燒烤方法同時間，跟住燒就唔會失手啦！
古法吊燒雞
吊燒雞已預早調好味，然後跟住手冊教路嘅方法燒，第一次燒雞真係好緊張，好彩火喉時間都控制得啱啱好，雞肉燒到嫩滑多汁，調味亦唔錯，少少鹹香味，幾好食。
5人海鮮套餐
套餐包括有彈牙海中蝦、蒜蓉半殼帶子、紐西蘭半殼青口、蜜汁叉燒、蜜汁叉燒、雞扒、豬扒、雞中翼、、海鮮三寶丸、爆汁芝味芝士腸、雞肉腸、台式脆皮腸、迷你日本甜薯、香甜粟米，全部都係用獨立包裝，方便又乾淨。
呢到個爐好大個，所以我地決定用懶人燒烤法，將啲食物放埋係個網上面燒，容易啲控制火喉。彈牙海中蝦有名俾你叫，真係好彈牙，同埋都幾大隻。蒜蓉半殼帶子同紐西蘭半殼青口，本身都已經係熟，燒返熱就可以，帶子有埋蒜蓉同辣椒調味，仲要有埋粉絲，製作又幾認真。
雞扒、豬扒同雞中翼都有唔同嘅味道，有咖喱、蒜蓉、蜜汁、黑椒同泰式，醃料份量恰到好處，完全無重口味。粟米平時通常用錫紙包住燒，好易會燒到乾曬，今次我地放係個網上面燒，竟然燒到好清甜多汁，真係意外驚喜。
走嘅時間仲俾我地發現，原來門口有接駁巴士出返去烏溪沙港鐵站，慳返唔少腳骨力。
Post
