Video
Read full review
2015-12-04
1484 views
依家做飲食真喺唔容易，捱貴租就唔在講啦，食材、人工都不斷漲。倒翻轉，唔似得幾十年前咁做足基本嘢獨就搞掂，越南菜，整好啲蔗蝦、生牛河、檬粉就可以。最近，到過旺角品越，再唔喺傳傳統統嘅越南菜，尤其啲前菜，精緻可人，而甜品都多咗啲心思 。旺角即喺旺角，只要食物做得唔差，咩餐廳都好多人，幸而有訂枱，唔使等餐懞。餐廳嘅裝潢亦唔咁老套，始終，針對嘅都喺年輕人路線，所以，環境都簡約新派啲，配置一啲特色燈飾，蘋果綠通花間隔，感覺年輕有活力 。面對餐牌眾多款式菜餚，但因為表姨甥女唔喺大食之人，所以，我哋今次主攻啲沙律同前菜，以及佢鍾愛嘅甜點，叫個飯只喺作為墊肚之用 。而餐牌印刷精美，最好喺每道菜都圖文並茂。 魷魚藕苗沙律 $78 藕苗，喺未長到大嘅蓮藕，即喺蓮藕BB，橫切面就睇到佢個「蓮藕BB樣」，小弟都喺第一次試，喺種好有趣嘅食材，爽爽哋，口感似食酸蕎頭 ；魷魚則好鮮甜，唔似雪藏貨，口感柔韌，唔會咬極都扯唔開。由於個汁底少少酸，又帶微微辣，加埋啲白蘿蔔、紅蘿蔔絲，非常醒胃 。 椰香焗脆皮軟豆腐 $48 豆腐焗得外脆內嫩，裡面真喺好滑溜，面頭糝咗少少椰絲，有微微椰香，青瓜絲及三文
旺角即喺旺角，只要食物做得唔差，咩餐廳都好多人，幸而有訂枱，唔使等餐懞。餐廳嘅裝潢亦唔咁老套，始終，針對嘅都喺年輕人路線，所以，環境都簡約新派啲，配置一啲特色燈飾，蘋果綠通花間隔，感覺年輕有活力 。
面對餐牌眾多款式菜餚，但因為表姨甥女唔喺大食之人，所以，我哋今次主攻啲沙律同前菜，以及佢鍾愛嘅甜點，叫個飯只喺作為墊肚之用 。而餐牌印刷精美，最好喺每道菜都圖文並茂。
魷魚藕苗沙律 $78 藕苗，喺未長到大嘅蓮藕，即喺蓮藕BB，橫切面就睇到佢個「蓮藕BB樣」，小弟都喺第一次試，喺種好有趣嘅食材，爽爽哋，口感似食酸蕎頭 ；魷魚則好鮮甜，唔似雪藏貨，口感柔韌，唔會咬極都扯唔開。由於個汁底少少酸，又帶微微辣，加埋啲白蘿蔔、紅蘿蔔絲，非常醒胃 。
魷魚藕苗沙律
$78
39 views
0 likes
0 comments
椰香焗脆皮軟豆腐 $48 豆腐焗得外脆內嫩，裡面真喺好滑溜，面頭糝咗少少椰絲，有微微椰香，青瓜絲及三文魚籽增加爽口感，但整體味道仍屬偏淡，所以，要加啲魚露先夠味，又或者沾少許千島醬都OK。
椰香焗脆皮軟豆腐
$48
41 views
0 likes
0 comments
冬蔭功海鮮飯 $108 海鮮飯以小煎鑊盛載，咪睇佢好似細細份，其實有幾多飯。海鮮料頗出色，虎蝦蝦味有少許香料提味，青口比一般貨色靚，既大隻，又厚肉，真喺有份青口味，口感唔會似擦紙膠，仲有帶子粒同魷魚；而飯底炒得乾身，味道帶出酸酸辣辣嘅冬蔭功香味，好食 ！題外話講句，因為用上冬蔭功道，應該屬於泰菜啊！
冬蔭功海鮮飯
$108
42 views
0 likes
0 comments
店內有多款沙冰、梳打特飲，經典啲嘅仲有鹹檸七、新鮮椰青……等等，但喺我哋兩個都揀熱飲，表姨甥女要滋潤嘅龍眼蜜，小弟則要傳統嘅滴漏咖啡。
杞子龍眼蜜 $28 色澤深沉，表姨甥女話入口好潤澤順喉，秋冬飲真喺好啱，尤其對女生就更好。龍眼亦睇得出並非罐頭貨，喺桂圓乾浸泡，所以，略帶淺黃 。
杞子龍眼蜜
$28
40 views
0 likes
0 comments
越南滴漏咖啡 $35 食西餐首選飲鮮奶咖啡，而到越南餐廳，十居其九都喺滴漏咖啡，唔喺貪佢滴吓滴吓好過癮，而喺滴吓滴吓好有滴滴精華嘅感覺，傳統做法配煉奶，故味道會稍甜，但咖啡嘅味道醇厚帶點點苦，有一種人生煉歷嘅感覺 。
越南滴漏咖啡
$35
23 views
0 likes
0 comments
印象裡，越式嘅甜品都唔多顯眼，好似椰汁三色冰、椰汁綠豆冰，啲人當特飲多過當甜品，所以，晌品越，甜品都並非咩越式，都喺一啲新派或改良過嘅出品，我哋揀咗當中覺得較具特色嘅兩款。
斑蘭窩夫配雪糕 $52 加入斑蘭元素入窩夫度算唔上新奇事，不過，水滴形嘅窩夫，一口咬開，青翠綠色嘅餅心，斑蘭香氣頗突出，然而，質感唔脆，入口仲有啲韌 ，要扣分；配雲呢嗱雪糕喺平穩嘅動作，但加入紅豆蓉，着實可以加番少少分。用斑蘭確實甚富東南亞風味，如果用香茅，唔知唔知會喺點，但就肯定有越式嘅代表性。
斑蘭窩夫配雪糕
$52
16 views
1 likes
0 comments
越式炸香蕉配雪糕 $42 由於啲香蕉夠熟成，所以，基本上入口都好香，只喺嫌佢將香蕉橫切再炸，入口口感比較薄 ，建議切成一嚿嚿，入口會實在啲；此外，伴上椰漿，但個汁調得稍稀，淋落啲炸香蕉度就卸開晒 ，否則，味道更有層次，至於忌廉曲奇雪糕加上紅豆蓉，喺令個甜品增值嘅一環。
越式炸香蕉配雪糕
$42
65 views
0 likes
0 comments
Post
