Video
Read full review
2020-12-09
103 views
天氣開始轉凍，早排就一家人去咗倫哥打邊爐！我哋已經係第三次食倫哥，水準依然保持到，而且價錢唔貴，物有所值。我哋點咗$288火鍋+雞煲無限時任食套餐，包時令海鮮任食，頭盤更送青蟹一隻，啱晒我哋成班海鮮控！等候期間，店員殷勤地送上幾款前菜。胡麻豆腐惹味開胃，麻辣四季豆麻辣香口，冬菇扣鮑魚最好食，鮑魚口感軟腍，大大隻絕不欺場，冬菇炆得非常入味，吸收鮑魚汁更添鮮甜！之後上雞煲。店員俾咗一個小任務我哋，就係要打開煲蓋，每兩分鐘炒四次，將雞件煮熟，同時令醬汁完全滲入雞件中！雞煲係倫哥嘅招牌菜，一段時間無食水準依舊。雞肉份量慷慨，醬汁惹味之餘又唔會過鹹，雞件嫩滑入味。雖然雞件係無限任添，但火鍋一樣係重頭戲，我哋都決定留肚。火鍋湯底有六款選擇，選擇多多，我哋揀咗番茄湯底，番茄味道濃郁，味道天然唔人工，好有誠意。海鮮拼盤好豐富，有帶子、青口、蝦、魚片、蜆、魷魚、桶蠔等，仲有贈送嘅青蟹！海鮮好新鮮，無將貨就價。帶子、蠔及蟹無得refill，不過其實都已經好豐富。另外仲送咗一碟牛頸脊，二人來講份量算多。牛頸脊顏色鮮嫩，肉味濃郁，完全唔肥，一分錢一分貨，呢個真心好食！除咗配料櫃嘅食材之外，我encore得最多
等候期間，店員殷勤地送上幾款前菜。
胡麻豆腐惹味開胃，
麻辣四季豆麻辣香口，
冬菇扣鮑魚最好食，鮑魚口感軟腍，大大隻絕不欺場，冬菇炆得非常入味，吸收鮑魚汁更添鮮甜！
之後上雞煲。店員俾咗一個小任務我哋，就係要打開煲蓋，每兩分鐘炒四次，將雞件煮熟，同時令醬汁完全滲入雞件中！
雞煲係倫哥嘅招牌菜，一段時間無食水準依舊。雞肉份量慷慨，醬汁惹味之餘又唔會過鹹，雞件嫩滑入味。雖然雞件係無限任添，但火鍋一樣係重頭戲，我哋都決定留肚。
火鍋湯底有六款選擇，選擇多多，我哋揀咗番茄湯底，番茄味道濃郁，味道天然唔人工，好有誠意。
海鮮拼盤好豐富，有帶子、青口、蝦、魚片、蜆、魷魚、桶蠔等，仲有贈送嘅青蟹！
海鮮好新鮮，無將貨就價。帶子、蠔及蟹無得refill，不過其實都已經好豐富。另外仲送咗一碟牛頸脊，二人來講份量算多。牛頸脊顏色鮮嫩，肉味濃郁，完全唔肥，一分錢一分貨，呢個真心好食！
除咗配料櫃嘅食材之外，我encore得最多嘅就係黑白墨魚蝦滑！墨魚滑及蝦滑喺人手手打，口感超級彈牙，而且食到墨魚粒及蝦仁，真材實料！我足足食咗幾輪，好誇張！
配料櫃選擇尚算多：
倫哥火鍋放題任食有一個好處，就係不限時。有時放題未必話想食好多，但真係唔想食得太趕頭趕命。
喺呢度就可以一邊打邊爐，一邊成家人傾傾計，不受拘束！
最後仲有甜品，非常甜蜜圓滿嘅一晚。
Post
