麥當勞

Open Now

Now Closed

【小鹿榛子朱古力】$27（大），每年都出，但未飲過，點知中伏。榛子味好臭好假，好似有d雪藏味定陳年野既味，朱古力味又淡如水，仲要唔熱，只係暖暖地，不過賣相幾好，有可愛小鹿用黎影相打卡。 最好味就係粒朱古力。唉，我寧願飲老麥普通熱朱古力仲好飲啦。【芝士藍莓批】$8，係咪改左名？！同之前藍莓吉士批差唔多。一食就知，冇芝士味，只有奶味，好似吉士醬，都係滑滑杰身，而且被藍莓味蓋哂，幸好藍莓味幾真實，甜得黎有果味。【焦糖新地】$9，終於返黎啦，同樣香甜美味，焦糖醬仲熱，配軟雪糕，一冷一熱口感正，都幾甜架，但食焦糖雪糕，預左兼接受啦。