Video
Read full review
2007-06-14
31 views
去銀行前搵野食,竟然又發現新大陸,繼續試新野!呢度卡位多多,2人/4人/6人都有,真係利害!獨佔4人卡位一大個,研究餐牌好幾分鐘,下午茶都幾多選擇,終於揀左呢個"香草雞扒餐肉蛋"茶餐。先來凍奶茶,又係大大杯份量,不過呢度用碎冰,感覺上比用大冰粒細緻;茶味算ok,不過不失之作,可以再香濃d當然最好。香草雞扒的確有用香草醃製,但味道好淡,無論咸味/香草味都唔多覺,唯一好處係面層炸得幾香脆,只係我都唔食皮,幾香脆都無幫助;餐肉薄薄兩片,煎得好醜樣,顏色黑沉沉好似煎起好耐,no good! 牛油多士牛油份量唔太多,但有牛油香,麵包角有d硬,普通;煎蛋竟然夠生,蛋黃漏晒出黎,用黎點多士好正!!以下午茶黎計,呢度價錢唔算平,不過勝在選擇幾多,有機會試下其他特餐、丁麵。服務方面大部份侍應都係中年阿叔,所以細心服務欠奉,又會企係客人隔離傾計,不過茶餐廳都唔好要求太高lu。
呢度卡位多多,2人/4人/6人都有,真係利害!獨佔4人卡位一大個,研究餐牌好幾分鐘,下午茶都幾多選擇,終於揀左呢個"香草雞扒餐肉蛋"茶餐。
先來凍奶茶,又係大大杯份量,不過呢度用碎冰,感覺上比用大冰粒細緻;茶味算ok,不過不失之作,可以再香濃d當然最好。
香草雞扒的確有用香草醃製,但味道好淡,無論咸味/香草味都唔多覺,唯一好處係面層炸得幾香脆,只係我都唔食皮,幾香脆都無幫助;餐肉薄薄兩片,煎得好醜樣,顏色黑沉沉好似煎起好耐,no good! 牛油多士牛油份量唔太多,但有牛油香,麵包角有d硬,普通;煎蛋竟然夠生,蛋黃漏晒出黎,用黎點多士好正!!
以下午茶黎計,呢度價錢唔算平,不過勝在選擇幾多,有機會試下其他特餐、丁麵。
服務方面大部份侍應都係中年阿叔,所以細心服務欠奉,又會企係客人隔離傾計,不過茶餐廳都唔好要求太高lu。
Post
