新澳咖啡餐室 (民泰街) (Closed)

今晚幫襯左呢間茶餐廳嘅煲仔菜晚餐，叫咗粉絲蝦米雜菜煲同埋勁香薑蔥魚柳煲，都係$79 ，包白飯一碗同埋餐飲，不過不失啦。佢個粉絲蝦米雜菜煲都幾大煲，個樣就Hea啲，不過勝在味道唔會太鹹。至於佢個勁香薑蔥魚柳煲個名就認真誇張，佢唔講都唔覺，講咗就覺得佢一啲都唔香，可能落多啲薑蔥芫荽蒜仔就做到勁香嘅狀態啦。魚柳就係平時嗰啲炸魚柳囉，不過個肉質OK嘅，唔係林pat pat嗰隻，所以呢個煲封返個汁之後都Ok啦。