龍井 (Closed)

荃灣出名多野食，今次就揀左間可以一次過滿足哂兩個願望，有煲仔飯又有串燒既舖頭食晚飯😋呢度環境唔會好似一般串燒店咁有種油膩感或者好逼好悶熱既感覺，而枱面都有辣椒粉可以自己調味串燒。*田雞排骨煲仔飯 $88*今晚揀既煲仔飯係田雞排骨，自從細細個媽咪買田雞番黎煮，好耐都冇食過田雞喇🤪而家會賣田雞飯既鋪頭都寥寥可數，所以毫不猶豫食呢個😛上枱之後，店員會幫手落豉油再焗幾分鐘。一打開香噴噴之餘，煲底既飯焦岩岩好，脆口得黎又唔會太硬。餸同飯既份量都好多，大胃王都夠食！ *燒豬頸肉🐖 $48*大推龍井既燒豬頸肉👍🏻夠厚身而且肥瘦均勻，燒得好香仲有少少燶邊，配埋個泰式辣汁，一流！ *雞肉串 $16*燒雞肉上面有好多孜然粉，鍾意孜然粉香既你唔好錯過喇*燒茄子🍆 $38*蒜蓉可以話係燒烤既靈魂，長長既茄子切開左一半再舖上大量蒜蓉同蔥去燒，好香，蒜味有入哂落個茄子度🤤 *燒大聖子皇 $58*聖子價錢雖然略高，但勝在新鮮，唔洗太多調味都好食*原條燒魷魚 $68*魷魚難得一啲都唔韌，唔會太乾調味都好足夠，但就略嫌燒完後較細條