龍德樓 (Closed)

踏入11月，天氣開始轉涼，又係時候食煲仔飯了。龍德樓有即叫即製煲仔飯，款式都幾多。例如肉餅類、臘味類、北菇滑雞等等。臘味鴛鴦腸煲仔飯（$78）好足料，臘味好香，飯粒索晒味，好食。章魚肉餅飯（$78）肉餅煲仔飯比較清，味道亦唔差，兩款煲仔飯，兩款口味，各有千秋。金銀蛋浸時蔬（$72）小菜份量都好足，大大碟夠抵食。蒜蓉粉絲蒸鮮魷（$98）好香好惹味，撈白飯都好好食。呢度仲有足料燉湯，分別叫左燉螺頭及杏汁白肺湯，味道滋潤養生，值得一叫！