Video
Read full review
2022-09-06
536 views
炎鳥羽可以話係我人生食過最多次嘅餐廳，大大話話起碼有三十幾次，咁揀飲擇食嘅年紀都做到熟客，證明有返咁上下料到。兵庫縣生蠔 ($58)買三送一有驚喜，首先比一般日本蠔大隻厚身，味道都好濃郁，唔係得個甜字或者淡口嗰種，係有層次嘅鮮甜蠔味，唔重海水或礦物金屬味，餘味好清，唔加酸汁都可以，媲美蠔吧外國蠔水準。海膽天婦羅 ($108)係我每次必點，完全唔怕太熟會嘥咗鮮甜嘅海膽，炸得香脆得黎火候啱啱好，只係比刺身紮實少少。 脆漿好薄，紫蘇葉超級香，但唔會太搶味，海膽嘅質感同鮮甜味依然好突出，比起就咁生食更高層次。火炙左口魚邊 ($128)份量多到食得好爽。 油脂甘香就不在話下，大量細蔥同酸汁、燒得尤其香口嘅左口魚邊，真係食到好感動。雞肉棒 ($48)正常發揮，雞肉燒得好香口，重點當然係蛋黃好濃郁有蛋味。芝士年糕 ($28)千萬唔好受到放題嘅陰影影響，雖然佢平又飽肚，但真係飽到想嘔都會想加返個。 年糕表面燒得好脆，夾心味道有啲似cream cheese，係好有深度嘅芝士味，配埋香口嘅紫菜好啱餸酒。紫菜魷魚鬚天婦羅 ($68)黑黑地望落唔算好開胃，但食落脆口好香紫菜味，每條都炸到直筆甩幾有心思，問店員
兵庫縣生蠔 ($58)買三送一有驚喜，首先比一般日本蠔大隻厚身，味道都好濃郁，唔係得個甜字或者淡口嗰種，係有層次嘅鮮甜蠔味，唔重海水或礦物金屬味，餘味好清，唔加酸汁都可以，媲美蠔吧外國蠔水準。
海膽天婦羅 ($108)係我每次必點，完全唔怕太熟會嘥咗鮮甜嘅海膽，炸得香脆得黎火候啱啱好，只係比刺身紮實少少。 脆漿好薄，紫蘇葉超級香，但唔會太搶味，海膽嘅質感同鮮甜味依然好突出，比起就咁生食更高層次。
火炙左口魚邊 ($128)份量多到食得好爽。 油脂甘香就不在話下，大量細蔥同酸汁、燒得尤其香口嘅左口魚邊，真係食到好感動。
雞肉棒 ($48)正常發揮，雞肉燒得好香口，重點當然係蛋黃好濃郁有蛋味。
芝士年糕 ($28)千萬唔好受到放題嘅陰影影響，雖然佢平又飽肚，但真係飽到想嘔都會想加返個。 年糕表面燒得好脆，夾心味道有啲似cream cheese，係好有深度嘅芝士味，配埋香口嘅紫菜好啱餸酒。
紫菜魷魚鬚天婦羅 ($68)黑黑地望落唔算好開胃，但食落脆口好香紫菜味，每條都炸到直筆甩幾有心思，問店員拎埋沙律醬好完美。
最難得嘅係呢度唔係單純叫到貴一貴嘅居酒屋，午市套餐一百有找，加廿蚊就食到三串高質嘅串燒，所以其實我係午市常客，但每次帶朋友同屋企人嚟佢地都讚不絕口。 有時錢就拎咗出嚟，想豪食都有機會買難受，想用得其所、合埋眼叫都好食，我懶，我會再嚟。
Post
