Video
Read full review
2015-10-02
1628 views
早前睇雜誌見到依家新韓燒店，再加埋睇到食友嘅食評，搞甚麼「熨斗」韓燒，覺得幾得意過癮，但又見到有啲負評，所以，十五十六試唔試好，最後大家都話試，原因都喺貪新鮮。可能新店關係，又喺位處旺區，交通方便，所以，晌門口見唔少人等位，雖然訂咗位，都要等一陣先有枱，韓燒果然人氣依然。踏入店內，內裡一如好多韓燒店，型格行先，石屎牆，曲形辛鐵，營造成一個小洞穴咁款；不過，「電油筒」圓櫈外，餐枱就有別常見嘅不銹鋼，改以木枱，添加咗一份暖和感。而抽風系統採用上抽式活動抽風管，效果算OK，至少枱枱坐滿時都唔會煙霧彌漫。叫得韓燒店，燒烤當然喺主打，以牛肉嘅種類最多，此外，唔少得雞肉、豬肉、海鮮、蔬菜；仲有一啲餐前嘅開胃小食，如沙律、紫青瓜、八爪魚……等等，以及多款香口菜式同飯麵。我哋先點飲品，邊飲邊等個爐「慶」熱，而飲品選擇唔多，就喺頭上吊住個餐牌度，Cider Special、韓國罐裝果汁，一隻手都數得晒。Lychee Cider Special、Strawberry Cider Special $43小弟揀咗款荔枝西打，之前晌元朗一間韓食店都試過依款飲品，貪佢冰涼清爽夠大杯，西打有少少似檸七味，全無酒精成
可能新店關係，又喺位處旺區，交通方便，所以，晌門口見唔少人等位，雖然訂咗位，都要等一陣先有枱，韓燒果然人氣依然。
踏入店內，內裡一如好多韓燒店，型格行先，石屎牆，曲形辛鐵，營造成一個小洞穴咁款；不過，「電油筒」圓櫈外，餐枱就有別常見嘅不銹鋼，改以木枱，添加咗一份暖和感。而抽風系統採用上抽式活動抽風管，效果算OK，至少枱枱坐滿時都唔會煙霧彌漫。
叫得韓燒店，燒烤當然喺主打，以牛肉嘅種類最多，此外，唔少得雞肉、豬肉、海鮮、蔬菜；仲有一啲餐前嘅開胃小食，如沙律、紫青瓜、八爪魚……等等，以及多款香口菜式同飯麵。
我哋先點飲品，邊飲邊等個爐「慶」熱，而飲品選擇唔多，就喺頭上吊住個餐牌度，Cider Special、韓國罐裝果汁，一隻手都數得晒。
Lychee Cider Special、Strawberry Cider Special $43小弟揀咗款荔枝西打，之前晌元朗一間韓食店都試過依款飲品，貪佢冰涼清爽夠大杯，西打有少少似檸七味，全無酒精成份，溝入少少荔枝糖漿，一邊食熱辣辣燒肉，一邊飲住涼朕朕嘅西打，爽呀！友人嘅士多啤梨西打，賣相有啲「肉酸」，但味道不錯嘅，佢話感覺似飲緊士多啤梨味嘅梳打。
Lychee Cider Special
$43
32 views
0 likes
0 comments
另一位友人怕飲唔晒，所以，揀咗細細罐嘅韓國青提汁，依一款果汁依家晌好多韓國菜館都有，味道較為清怡，內裡又少少果肉。
青提汁
$22
29 views
0 likes
0 comments
記得第一次食韓燒嘅爐邊烤蛋，只喺淨蛋嚟，跟住又見識過加入韓式泡菜嘅版本，今次晌熨烤達人，就喺粟米、芝士及泡菜嘅自助版本。由店員淋上濃濃嘅蛋漿，再自行按個人口味加上配料，等到食完啲烤肉，臨尾就有嫩滑烤「三式」蛋食。
爐邊烤蛋
32 views
0 likes
0 comments
脆卜卜大園手攪飯 $68無論烤蛋又好，烤肉又好，等到有得食都需時，所以，店員推介我哋試試佢話個熱門手攪飯，見有唔少客都點，我哋見幾得意又點一客嚟試試。
雖然話喺「飯」，不過，飯佔嘅比例唔重，配料有蟹子、吞拿魚、青瓜絲、蛋絲、脆米及蛋黃醬，食法喺將所有材料拌勻，再紫菜捲入迷你雪糕筒，再放入配料，好似食手捲咁，但就多咗雪糕筒嘅脆口感，而饀料因為有多種材料，又加有青瓜及蛋黃醬，所以，味道豐富，開胃清爽。相信女生或小孩都喜愛依個手攪飯，之不過，撈出嚟「飯」就好多，但雪糕筒只得兩個，又無得另外再單叫雪糕筒，故此，之前就變成當佢喺淨食嘅前菜「沙律」。
脆卜卜大園手攪飯
$68
85 views
1 likes
0 comments
泡沫咖啡炸雞 $128（半份） / $188（全份）原來依度都有賣韓式鐵剷菜式，曾經試過芝士排骨，所以，就揀咗泡沫咖啡炸雞，有半份或全份，夠彈性，我哋人少少自不然半份夠晒數。
雖然話半份，其實都唔少，而且，賣相甚有心思，底層喺芝士漿，以瓦斯爐熱住，墊底有紫薯蓉及咖啡忌廉，初頭我哋以為喺分開食，原來又喺撈勻嚟食，真喺見識少，不過，撈勻咗個樣就無咁好睇，但味道就有啲層次，唔會淨喺食炸雞咁單調。反而，最有驚喜喺雞件唔單止去骨，仲釀入芝士，一咬爆漿，「芝」味無限。
泡沫咖啡炸雞
$128
98 views
2 likes
0 comments
因為「餐前」食咗個大園手攪飯，又加半份泡沫咖啡炸雞，所以，入到正題就唔敢點太多，牛、豬、海鮮就每類要一款，志在過吓韓燒癮。
厚切五花肉（150g） $105晌其他韓燒店見嘅五花肉通常喺切好一塊塊，但依度就原件過，不過，都鎅開咗少少。燒五花肉就喺「熨斗先生」嘅登場時間，亦喺搵店員幫幫手嘅時候，因為五花肉採用厚切，燒得要有技巧，經佢講解及少少示範，大概都捉到門路。
先燒底面兩邊，每邊大概3分鐘，並以「熨斗」壓實，目的喺令表面燒得平均，而且，加快燒封外層，鎖住肉汁免流失，跟住就棟起佢燒兩側，最後剪成一件件再燒一燒，燒至金黃就差不多，再辣多陣有啲燶邊就仲焦香惹味。其實，據店員講，個「熨斗」晌燒豬皮、魷魚鬚、魚柳時就更發揮到佢個用處，可以壓住令食材唔會咁易捲曲。
厚切五花肉
$105
20 views
0 likes
0 comments
至於件五花肉，充滿油香，肉質夠晒軟腍，又有咬口，入口好有肉香，包生菜食就最好，可減低油膩感。
北海道帆立貝 $118燒完五花肉，換咗個鋼絲網。帆立貝睇落又大又新鮮，燒帆立貝要好有耐性，因為需要燒嘅時間較長，而燒好嘅帆立貝大概會縮水咗兩乘左右，但味道鮮甜，口感非常柔軟。
北海道帆立貝
$118
23 views
0 likes
0 comments
特級雪花牛（150g） $180一客特級雪花牛（150g）有8片，每片大概成人兩隻半手指粗，色澤鮮潤，油花分佈平均。因為牛可以比較生食，所以，個人而言，將兩面燒到上色我就覺得OK喇，雖然枱上有醬油及韓國辣椒醬，小弟就喜歡淨食食其原味多啲，的確，牛肉既腍滑，又富油香，實在「脂」味無窮。
特級雪花牛
$180
24 views
0 likes
0 comments
服務方面唔錯，換碟、換網基本嘢都做足，只喺見太多客，有時又要幫客燒吓五花肉同海鮮，佢哋都變得招呼唔徹所有客，好易被客人覺得有種務失嘅感覺。後尾計計數，好似幾款套餐仲抵食。
可能有啲人覺得個「熨斗」喺花巧嘢居多，但又真喺有佢實際用處，當然，食材質素先喺吸客嘅重點，食過今餐，都總算無咩失望！
Post
