Flaming Frango (Under Renovation)

Flaming Frango 以前係喺士丹頓街，而家搬咗去伊利近街，鋪位大咗，仲多咗二樓。是日happy friday 八點去到，地下座無虛席，大部份都喺外籍人士。加上有投影機播放足球，氣氛非常熱鬧。本來獲安排坐樓下，但太接近開放式的店門，走晒冷氣。反映後獲安排上二樓，但冷氣依然唔係好夠。先來一份 nachos。呢度嘅用嘅芝士幾香，中間嘅綠色salsa 幾好味。如果份量可以大返啲更好。主菜係仿照英國燒雞連鎖店Nandos嘅燒雞+配菜組合。椰菜沙律爽脆有咬口，燒雞醃得惹味，有八成相似。