大尾篤燒烤王 (Closed)

午飯來個任食自助燒烤也不錯，骨子內外都是食肉獸的我必定大滿足！而且最愛燒烤活動，日日燒都無問題！早前幫襯還舖緊石屎地，依家已經鋪好完工，不再沙塵滾滾。而且男廁翻身過，乾淨企理，廁所以前慘不忍睹，惡嗅濕淋淋又污糟。經濟任食，都懶得再買海鮮入黎。居然撞到幾個老友，大家果然係大埔友。任食套餐，執定基本唔夠再添。腸仔、雞中翼、魷魚翼、魚蛋、墨魚丸、牛丸、芝士腸、芝心丸、多春魚、豬扒、牛扒、牛柳粒、金砂骨、雞扒、等等。叔叔游刃有餘地起好火，餓死朕喇，立即開動！每次我都會使出三叉流奧義，不想浪費時間及炭火。火很美多變，忍不住每次燒烤都不停拍照﹗自家製泰式酸辣汁，中辣強酸開胃無限，似生蝦泰式汁，配雞翼、豬扒最合適。紅腸、牛丸、墨魚丸、芝士腸、魚蛋。雞中翼、雞全翼、雞腎、魷魚翼、豬扒、牛扒、紅腸、金沙骨、多春魚，全部高質無投訴，醃味醇美恰到好處。唯一出事係鱔柳，醃味及肉味都怪怪地。麻辣雞中翼，近年新出品，朋友們大讚，我第一次試。既香又辣，醃得入味，外層燒到金黃香脆，裡面就嫩滑多汁，好好味 ﹗蒜香豬扒，重手厚身好大塊！燒到兩面金黃焦香，入口鬆化有咬勁，滴汁蒜香，有骨豬甜味特別濃郁。黑椒牛扒，辛辣香氣突出