悠蔬食 (渣甸中心) (Closed)

朋友是素食者，由他的介紹，來到這家素食餐廳。幸好我們先訂了座，餐廳幾乎全場滿座，相信已反映了食物的味道。點了燉湯，湯較清甜，裡面有好多料！黑松露薯茸焗大啡菇，共有三大個菇，顧名思義，大啡菇好大份！上面的薯茸加入了脆的薯仔粒，無普通嗰度咁漏。將大啡菇切開，菇汁已漸漸流出，愛菇人士必定要試！酥脆腐皮卷一共有四件，首次食裡面全部都係腐皮的腐皮卷，但係唔會覺得好寡，裡面的腐皮較林，外面的就炸到好脆！今天我們裝甜品的胃好餓，一口氣點了三個甜品。粉紅色的千層蛋糕好靚呀😍好滑好creamy！法栗星辰蛋糕旁邊的是爆炸糖加餅乾碎，食食下蛋糕有啲爆炸糖係口中爆炸，好得意！而蛋糕入面除了有栗子茸，更surprise的是裡面還有一粒粒的栗子！加了粒粒栗子更好咬口，好聰明呢。鮮磨腰果露很濃稠，食到有超幼的腰果粒，聞到淡淡的腰果香。裡面仲有4粒湯圓，好滿足。點了一杯養生茶-熱的桂圓杞子蜂蜜茶，加入了蜂蜜甜度十足，好適合女生喝！友人的藍蝶花雪梨汁好靚，有藍蝶花的色、香 ，加上雪梨的甜味，兩者結合，好新鮮。其實食素不一定比食肉難食，素食一樣有好多變化，好多款式，一齊為地球出一分力！