Sueno (Closed)

其實試過咁多個國家嘅嘢食，西班牙菜係我最喜愛之一，因為味道濃郁而且層次豐富。今次到Sueno 探店，果然冇令我失望。頭盤： 黑毛豬火腿 - 少少脂肪比例，口感滑溜。鮮甜蕃茄粒醬料再配上脆香多士一齊食，帶出火腿咸香味，口感勁豐富，即刻升咗幾個level，脆、香、rich，軟硬兼施😻 原本我係喜歡火腿配蜜瓜，但原來火腿配脆香多士再加荔枝青檸特飲都係一大享受😎Lychee squase ，清甜荔枝香味，以為味道會好甜，但又有青檸酸酸甜甜的引子。重頭戲- 西班牙海鮮飯海鮮方面有帶子、魷魚、海蝦、大蜆，豐富盛宴，不得不讚嘅係飯嘅口感，正宗經典西班牙焗飯，不會有香港人食唔慣嘅”生米”🍚口感，反而係半軟硬狀態，恰到好處。配上露筍、胡蘿蔔粒🥕，食落有點爽口，將個飯升華咗，而且份量好多，食完個肚變咗企鵝🐧😹😹 正正👍🏻👍🏻 下次會再嚟試其他菜式。