清真牛肉館 (龍崗道) (Closed)

星期六下午2點左右去，入面坐滿人，等左5分鐘先有位。牛肉餅同牛肉鍋貼都係超熱超既多汁。我食牛肉鍋貼既時候一唔小心仲爆汁添，搞到成身同台都係汁，所以食既時候要小心。呢兩款煎物唔會太油，皮薄多餡。如果兩款要比較，我會比較鍾意食牛肉餅，佢個餡好似比較多層次，而牛肉鍋貼既餡好似口感差d。兩款我都鍾意食。酸辣湯，好足料，唔會好酸，唔稀，小小辣好正！咖喱牛腩，好大碟，有d辣。入面有薯仔，牛筋同牛腩，燜得好稔好入味。小小辣送飯一流啊。