Video
Read full review
2022-07-27
174 views
放假去咗太子交收，並順便幫襯喺附近嘅「食包Winner Burger」。之前經過已經被佢嘅門面同香氣所吸引😍，今日終於有機會一嚐。雖然小店主力做外賣，但都有兩張高枱供堂食，而且環境裝修滿有心思，用瓷磚粒砌成嘅牆身好啱打卡🧩。再者，仲有大大個姜濤相框坐陣。餐牌設計精緻，用圖畫取代食物相片，清晰介紹每款漢堡包有乜食材👍。食物定價屬中等水平，升級套餐只需$18好抵，包一款小食同罐裝飲品。Burger即叫即整🍔，大約需時十分鐘，每個漢堡包都係巨無霸Size，好挺好大個。佢用高身紙盒裝住個包，所以唔驚壓扁，而且仲特別黐上貼紙以兹識別。WB豬牛薯堡($92)，Mega豬牛薯堡氣勢十足，餡料包括雙層漢堡扒、蕃茄、煎流心蛋、芝士、薯餅、生菜同埋WB經典醬。漢堡扒有豬🐷同牛🐮兩款，手打牛肉漢堡扒質感好爽彈，肉味濃郁。同時，中間夾咗薯餅🥔，口感脆卜卜，好正。最後，🍳煎流心蛋富有爆漿效果，整體食落Juicy又好香。芝士菠蘿雞堡($68)，菠蘿雞堡嘅餡料包括炸雞扒、芝士、菠蘿片、生菜同埋WB經典醬。呢個經典組合好搭調，🍍菠蘿味道突出，甜甜的；另外個自家製醬汁亦好惹味。🐔雞扒嘅炸皮類似吉列皮，相當酥脆，而且肉身
放假去咗太子交收，並順便幫襯喺附近嘅「食包Winner Burger」。之前經過已經被佢嘅門面同香氣所吸引😍，今日終於有機會一嚐。
雖然小店主力做外賣，但都有兩張高枱供堂食，而且環境裝修滿有心思，用瓷磚粒砌成嘅牆身好啱打卡🧩。再者，仲有大大個姜濤相框坐陣。
餐牌設計精緻，用圖畫取代食物相片，清晰介紹每款漢堡包有乜食材👍。食物定價屬中等水平，升級套餐只需$18好抵，包一款小食同罐裝飲品。
Burger即叫即整🍔，大約需時十分鐘，每個漢堡包都係巨無霸Size，好挺好大個。佢用高身紙盒裝住個包，所以唔驚壓扁，而且仲特別黐上貼紙以兹識別。
WB豬牛薯堡
$92
4 views
0 likes
0 comments
WB豬牛薯堡($92)，Mega豬牛薯堡氣勢十足，餡料包括雙層漢堡扒、蕃茄、煎流心蛋、芝士、薯餅、生菜同埋WB經典醬。漢堡扒有豬🐷同牛🐮兩款，手打牛肉漢堡扒質感好爽彈，肉味濃郁。同時，中間夾咗薯餅🥔，口感脆卜卜，好正。最後，🍳煎流心蛋富有爆漿效果，整體食落Juicy又好香。
芝士菠蘿雞堡
$68
7 views
0 likes
0 comments
水牛城雞翼，雞翼一客有兩隻，好肥美。水牛風味火辣辣🌶，又辣又酸，好開胃。
青山炸雞，🍗炸雞粒一客有五粒，份量都多，炸衣幾薄，亦夠厚肉，但如果有汁沾就好喇。
小店廚房透明度高，食客可以睇住製作過程，自然安心🙏🏻。
總括嚟講，爆汁蛋漿漢堡包出沒注意⚠️，呢度嘅食物出品有水準，佢個豬牛薯堡堅係令人印象深刻，再加埋隻流心煎蛋無得輸。如果喺太子想食Burger嘅話，不妨考慮呢度啊😉。
Post
