六十六十火鍋 (Closed)

食海鮮又唔想咁貴，200蚊一位可以食到咩？答案係8份海鮮+6份高質打邊爐靚料+特鮮甜靚粥！！1.肉蟹蟹膏超爆多，蟹大隻好多肉，蟹鉗淡淡肉蟹腳每隻都可以食到肉。肉質非常鮮嫩，煮11分鐘到火候恰到好處，好鮮！蟹膏煲左落湯鍋入面香味撲鼻，一絕2.蠔蠔係細細仔，煮完又唔會點縮水。份量好多，好滿意。味道亦算鮮，口感唔錯。3.象拔蚌象拔蚌好大隻，肉質有嚼勁，可能煮耐左d。不過味道唔鮮，且有d沙囊要清走。4.活魚唔多識係咩魚，都幾嫩滑，魚味就只係普通。份量都唔少，四大件。5.帶子帶子煮得太耐好韌，而本身鮮味真係唔得，係全晚最失望。其餘仲有2份蜆及1份花甲冇影相，蜆都鮮味，花甲就一般。食完海鮮仲可揀六種食物。所有食物都好新鮮。而且真係鮮甜到難以形容相信係因為煲湯已經匯聚左海鮮嘅精華。無論冬菇，娃娃菜，肥牛，花膠都非常鮮味，加上超甜粟，正到暈。最後落埋d配料做粥底煲埋食，又夠飽，又好食。當日仲咁好彩可以安排到我地兩人坐4人枱，好爽