HAND3AG (K11購物藝術館) (Closed)

我知K11新開左間爆餡三文治既鋪頭，一於去食返夠。我地叫左三款三文治，全部都勁大份，爆餡既感覺好爽!歐陸監獄鐵板三文治，夾住玫瑰芝士燴通心粉、普羅旺斯燉肉丸、脆薯餅、水晶生菜、燶邊流心蛋、熔岩芝士。我最鍾意呢款，成個配搭好夾，方包索左啲通心粉既汁，口感豐富，一定要食。拉麵叉燒鐵板三文治，夾住日式叉燒片、味噌拉麵、味付溏心蛋、味付筍絲、牛油粟米粒、熔岩芝士、味噌蛋黃醬。配搭新穎，食落口感毫無衝突，幾得意。慢調撕理食肉獣鐵板三文治 ，夾住手撕牛仔排、爆邊流心蛋、番茄片、水晶生菜、車打芝士、芥末籽蛋黃醬。呢款都好食，香脆既方包包住滿瀉既餡料，好滿足。3日3夜自家手切薯條係必配既食物，等於漢堡包配薯條甘。薯條係粗薯，外脆內軟，好邪惡。自家製蟹肉忌廉餅配他他醬，新鮮炸起，好香口，唔油膩。芝士烤普羅旺斯燉肉丸，係豬肉加牛肉一齊整成既肉丸，整得好入味。飲品叫左熱黑咖啡、雀巢檸檬茶同龍珠茉莉花茶。