阿杏飯團 (富時中心)

Open Now

Now Closed

旺角行完街順便買埋外賣返屋企2人食，買咗台式粢飯飯團做晚餐，簡單又不失營養再配埋杯台式飲品，飽飽又滿足。啖啖肉肉套餐 $67新宿燒汁牛扒飯團熱辣辣的糯米加紫米包住豐富餡料，糯米軟糯得來有d口感，入面嘅燒汁牛扒好香，牛扒軟熟，加上混入沙律醬嘅生菜絲，脆脆油炸鬼粒，咸香肉鬆，同埋一啲香菇，啖啖肉得來，口感又豐富。黑糖珍珠奶茶點了少冰，奶茶香滑，重奶香，加上香甜煙韌黑糖珍珠，好滿足。鹹蛋套餐$59金沙鹹蛋飯團呢個之前食過，真係超邪惡超香，每一口都可以食到咸蛋，咸蛋起沙甘香，加上肉鬆，沙律菜及其他配料，每口都是美味。椰果四季春 食完鹹蛋黃咁邪惡嘅嘢，飲番杯四季春清清喉嚨，感覺舒服清新，加上椰果幾有咬口，好清爽。