酒鍋 (V Point) (Closed)

夢幻花園 ($388)期間限定嘅湯底靈感來自《愛麗絲夢遊仙境》，一上枱已經夢遊入仙境，散發著陣陣仙氣，影出嚟嘅效果好靚！白色嘅泡其實係蛋白，上面鋪滿食用花，打邊爐試過咁夢幻未？入面有5小格嘅湯底，分別係四川麻辣、藥膳花膠雞、喇沙海鮮、黑松露雜菌及木瓜雪耳。我最鍾意木瓜雪耳，清甜無比，而黑松露雜菌飲落就似西餐嘅cream of mushroom soup，幾得意！大頂級安格斯牛小排 ($268) 肉質滑嫩鮮美，油脂分布均勻日本頂級黑毛豬豚腩肉 ($188)肉質柔嫩，一層肥一層瘦，豬肉味好香濃海鮮拼盤 ($688)有蟶子、帶子、蝦、蜆及沙巴龍躉，全部都好新鮮，尤其是蟶子，就算煮得耐咗都仲好爽口彈牙黑松露蝦蟹餃 ($88)黑松露味唔會太搶，入面有好多蝦蟹肉，成粒都好飽滿三色鮮制生麵 ($58)分別係甘筍麵、墨汁麵及全蛋生麵，可惜煮完之後湯底太濃味蓋過咗麵原本嘅味道蜂巢豆腐 ($38)反而呢款索滿湯汁就非常好味！鵪鶉蛋福袋 ($68)第一次咁樣食福袋，有創意即炸手工紫菜響鈴卷 ($58)炸得好鬆脆，熱辣辣又掛湯黃金炸魚皮 ($68)好邪惡但真係好好味！其實就咁食唔放落湯就更正