潮洲滷 (Closed)

今晚番阿媽屋企食飯，專登落灣仔「潮州滷」買隻滷水鵝孝敬老人家。之前睇雜誌有介紹這間滷水店，由全家總動員一起齊心經營，好有愛回家feel。又有明星食過，讚不絕口（這裏不開名是什麼明星，費事幫人買廣告）。所以專程去試一試。位置好近灣仔港鐵站出口，門面相當光鮮，好容易就找到了。以往幫襯過的滷水店，都給我肥淋淋嘅感覺。這間滷水店特別不同，周圍都好乾淨，不論滷水食物嘅擺放，還是其他用具嘅擺放，都十分整齊、有序。除咗買滷水鵝，仲有試埋佢哋嘅滷水豆腐，以及滷水蛋。正如雜誌介紹，滷水鵝好入味，鹹、濃味適中，沒有坊間其他滷水店嘅滷水鵝只有一個「鹹」字。滷水豆腐及滷水蛋，味道一樣好味。購買時，收銀小姐千叮萬囑我，不要將醬汁直接塗到滷水鵝上，進食是將醬汁另放就可。好專業！除咗我之外，當時仲有三個街坊幫襯，見師傅及收銀小姐與街坊們嘅對話，強烈感受到濃濃嘅人情味。這類街坊小店，已經買少見少，小妹會繼續支持！