Video
Read full review
2013-09-17
481 views
有啲人成日出街食飯都係因為食厭左屋企嘅餸，但係亦都有人話隔離屋既飯香，我都覺得後者比較貼切。因為基本上黎呢一間餐廳食野，食嘅餸都係屋企可能會煮到，但你仲係好想黎試，好似一個男人，屋企明明有老婆都要出去偷食咁。每一次諗起同一大班人要聚會嘅時候就會好頭痛，又想坐得舒服，又想有自己空間，又想普通價格，又想可以傾到計，今次搵到好地方。招牌都講到明自己係保健藥療營養湯，點可以唔叫佢啲湯飲下？個湯真係好足料，冇味精味，仲有螺片、豬骨、藥材，睇黎對身體真係百利而無一害。鹹蛋蒸肉餅鹹蛋白其實冇乜，師傅淨係剩低鹹蛋黃，個肉餅蒸得好稔同濕潤。蟹肉扒雙菇蟹肉就唔覺得有好多，食起上嚟個汁當然唔係好甜。以雙茹係指東菇同埋草菇，下面就放咗小棠菜。茄子魚腩煲呢個真係好惹味，好欣賞，茄子同埋魚兩者都炸得好脆，個魚食起來一啲都冇雪藏味。反而個汁較得非常好，岩岩鎖住兩種材料嘅滋味。沙爹牛肉粉絲煲略嫌汁太多好似湯咁，但牛肉稔而不un口咕嚕肉啖啖肉外脆內軟，酸甜度完美琵琶豆腐d銀芽最好味西檸雞做得最好，全晚最鍾意食嘅餸，個雞炸得好脆，漿夠薄，肉夠濕滑，配埋個喼汁，真係手唔停口唔停。黑椒牛柳牛肉夠稔，成晚嘅牛肉都好稔，除咗火候
因為基本上黎呢一間餐廳食野，食嘅餸都係屋企可能會煮到，但你仲係好想黎試，好似一個男人，屋企明明有老婆都要出去偷食咁。每一次諗起同一大班人要聚會嘅時候就會好頭痛，又想坐得舒服，又想有自己空間，又想普通價格，又想可以傾到計，今次搵到好地方。
招牌都講到明自己係保健藥療營養湯，點可以唔叫佢啲湯飲下？個湯真係好足料，冇味精味，仲有螺片、豬骨、藥材，睇黎對身體真係百利而無一害。
鹹蛋蒸肉餅鹹蛋白其實冇乜，師傅淨係剩低鹹蛋黃，個肉餅蒸得好稔同濕潤。
蟹肉扒雙菇蟹肉就唔覺得有好多，食起上嚟個汁當然唔係好甜。以雙茹係指東菇同埋草菇，下面就放咗小棠菜。
茄子魚腩煲呢個真係好惹味，好欣賞，茄子同埋魚兩者都炸得好脆，個魚食起來一啲都冇雪藏味。反而個汁較得非常好，岩岩鎖住兩種材料嘅滋味。
沙爹牛肉粉絲煲略嫌汁太多好似湯咁，但牛肉稔而不un口
咕嚕肉啖啖肉外脆內軟，酸甜度完美
琵琶豆腐d銀芽最好味
西檸雞做得最好，全晚最鍾意食嘅餸，個雞炸得好脆，漿夠薄，肉夠濕滑，配埋個喼汁，真係手唔停口唔停。
黑椒牛柳牛肉夠稔，成晚嘅牛肉都好稔，除咗火候岩之外，我諗係鬆肉粉嘅功勞。
終歸究底，呢間私房菜係另外一頭住家，但佢提供一個好好地方俾五湖四海既姊妹聚首一堂暢談暢談
Post
