Mango X'press (Closed)

一直覺得愛文芒比呂宋芒吸引萬倍，清甜果香令人動心，之前嘅高雄一日遊無意中去了Mango Chacha 的總店，回港後就去以賣愛文芒為主打的Mango Xpress, 探下我啲芒果BB!!今次都係揀左芒果綿綿冰，因為一杯有齊芒果雪糕，芒果綿綿冰同埋椰果，無見一排，芒果甜左，配料亦豐富了不少，多左煙韌的Mochi , 啱晒食完飯，心多多又飽飽地嘅我地！另外仲左特調藍碟芒果露，平常係用膠杯上的，但我想要呢個會閃燈的杯，店員都話可以轉俾我，真係未飲已加分！藍色係因為用左碟豆花茶做Base, 而呢種花茶係有色無味，但有護眼的作用，味道是靠芒果梳打水，檸檬汁等撞出來，入面都加入了含有高纖維的奇異籽，令到營養價值更高！一如其他營養食物，要考慮營養的話，味道都是打折扣，整體屬於淡口，不過可以拎走隻杯又覺得開心啲啦！玻璃杯一閃一閃真係好吸引，令賣相更加出眾！幾個月無見，芒果比之前好味了，其實也明白不是每個人也愛芒果，所以店家加入其他食物也是大勢所趨，但皇牌依然是愛文芒，其他的只是一般而已。