峰壽司 (Closed)

三文魚壽司x3對於從來不食(食完都會嘔返出黎)三文魚既我可以完完整整咁吞左成舊，已經算得上好好。峰玉子新鮮熱辣辣地出場，甜甜地，但略嫌太軟身，面頭個「峰」字都變形了。蝦壽司無試，但隻蝦都幾細。峰火鰻魚x2鰻魚好大舊，夠濃味。蟹柳壽司幾好，食到蟹既甜味。蟹柳沙律軍艦沙律醬落得太多。吞拿魚沙律軍艦好普通，可以不試。塩帶子壽司x2一般，帶子未算好新鮮，擺入口都唔知食緊咩。墨魚天婦羅（抹茶塩）x2咸咸地之餘又帶點綠茶香，不俗。花旗夢之卷x2面頭d彩色粒粒似魚糧，食落無味，只係為左令個外表靚d。總算入面係剛炸好，熱辣辣。吉列炸蝦手卷無試。特大炸蠔x2又係新鮮炸出黎，已經係成功既一半，但無咩蠔味。p.s.食物上檯的速度極快。