老壇子酸菜魚

Open Now

Now Closed

早排同朋友去左荃新天地食飯，無意中發現地下有個一門町市場，入面有間主打湖南湘菜既餐廳，環境乾淨坐得舒服，用QR code落單，今次叫左幾款餐廳招牌菜，抵食又好味😆酸菜鱸魚必食之選! 上枱既時候已經聞到一陣鮮香，鱸魚份量多，肉質爽滑一啲都唔腥，湯汁帶著點椒麻微辣感，酸辣香濃，十分惹味💥雙椒童子雞雞選用新鮮肥嫩的童子雞，雞肉軟嫩有彈性，配以青紅椒、老薑鮮香麻辣，鐘意食雞既朋友一定要試下💦辣椒炒肉湖南地道菜式之一😎爽辣青配上嫩滑入味的豬肉一同下鍋炒，顏色焦香誘人，肉片炒至干身而不油腻，食落辣辣地十分下飯😊整體來說菜式選擇多味道都好有驚喜，好有湖南地道風味😍加上價錢抵食，之後會同朋友再黎食，推介！