霸王川莊 (Closed)

Yoho開左新一邊，知道有好多餐廳新開左，霸王川莊原來都有份，終於唔洗出中環啦，即刻要試試！7點黎到，以為好多人，點知唔洗等位，直接入得～Order了川北涼粉，辣得黎酸酸地，好開胃呀～辣子雞。之前食過既都炸得太燶，太脆，呢間反而剛剛好，唔會乾爭爭，恰到好處😛重頭戲，水煮魚，有得揀四款配料，揀左薯粉、蓮藕、豬紅、腐竹，加多左午餐肉。魚好滑，所以配料入哂味，好正～原來standard都已經係中辣，辣到叫哂救命，即刻叫左水果茶飲，但辣得過癮！炸蕃薯條，外層啲粒粒脆脆地，口感唔錯。蔥油餅，普通，辣到要食返呢啲平衡一下味蕾！其實仲叫左串燒，會提供幾重調味粉俾你自由配搭，幾貼心，不妨一試！