黑木亭居酒屋 (清風街) (Closed)

一向都好鍾意喺天后嗰邊嘅小街食嘢，門口見到推介龍蝦二食，又有串燒，仲有和牛食。龍蝦二食龍蝦球好大粒，有大概六大粒，鮮甜有蝦味，爽口，配上蟹籽，口感層次豐富。第二食係龍蝦麵豉湯，上枱時仲係熱辣辣，味道濃郁，湯混合了海鮮嘅鮮甜味。日本產A4和牛海膽丼一上枱已經聞到好香牛味，牛嘅脂肪比例多，但唔油膩，咬落去有溶化喺口嘅感覺。海膽好新鮮，唔腥。松葉蟹鉗配三文魚籽沙律🥗有八隻松葉蟹鉗，大細適中，咬落去淡淡蟹肉，新鮮清甜。三文魚籽大大粒，咬落去卜卜脆。燒牛油甘薯串燒淡淡的牛油味，厚身大塊。汁燒白鱔串燒10分喜愛，白鱔皮燒到好香脆，個醬汁混入白鱔，帶出咗魚嘅鮮甜味，白鱔好滑身，一定要食。麻辣原條黑豚露筍卷串燒麻辣係BB辣，蘆筍好大條，黑豚肉配合蘆筍好夾。明太子雞腿肉串燒雞腿肉有鹽燒嘅味道，帶出咗好香雞味，咬落多汁。北海道芒果牛乳乳酸酸酸甜甜，芒果味唔算太重，牛乳味濃，飲落好creamy 。蜜桃烏龍茶賣相好靚，以熊仔做冰嘅外型，勁吸精，淡淡的烏龍茶味加上香甜嘅蜜桃味，好match，十分推介。