Video
Read full review
2016-11-29
1095 views
魚旦粉我一直都覺得係香港之寶，雖然魚旦粉度度都有，潮州呀泰國呀，度度都有佢既特色同賣點，但是點都好，都係香港既係最好。細細個就係何文田讀書，所以個頭都食均晒，但是近年何文田發展，個度愈來愈多高級日本餐（勝利道）同埋住宅，放學時間勁多同學仔係starbucks, 個時讀書邊有咁富貴飲靚咖啡，一杯都已經一個茶餐。好多以前係何文田餐廳已經好似慢慢被取締，要去到愛民頓先有小區味道，但是隨住地鐵開通，到時會唔會又翠華大家樂呢？講番許榮記，細細個已經成日去，所以今晚去番特別有感。佢裝修過舖頭好似細左，但係依然好好味。佢冇好靚裝修，面檔又唔係擺係門口畀人睇晒，簡簡單單最緊要好食。黎到都九點幾，唔洗等位就有得坐，一坐底見我地揀左好耐，其實都正常，去親食魚旦粉食咩從來都最難揀，由粉面，咩料到加唔加腩汁，仲未計套唔套餐，加個菜，未計撈唔撈。個staff都冇黑面，由我地慢慢揀，畀晒一大堆manu我地睇，最後嗌左個片頭菜肉餃湯飯菜肉餃魚片頭魚湯飯 46元平時一定嗌牛腩片頭河，認真好食! 但係個日突然好想食魚湯泡飯，但係發現旺角執晒，所以就係個到嗌，發現係食魚旦粉餐廳叫湯飯係幾伏。如圖所示，佢地就分開上，湯還湯
細細個就係何文田讀書，所以個頭都食均晒，但是近年何文田發展，個度愈來愈多高級日本餐（勝利道）同埋住宅，放學時間勁多同學仔係starbucks, 個時讀書邊有咁富貴飲靚咖啡，一杯都已經一個茶餐。好多以前係何文田餐廳已經好似慢慢被取締，要去到愛民頓先有小區味道，但是隨住地鐵開通，到時會唔會又翠華大家樂呢？
講番許榮記，細細個已經成日去，所以今晚去番特別有感。佢裝修過舖頭好似細左，但係依然好好味。佢冇好靚裝修，面檔又唔係擺係門口畀人睇晒，簡簡單單最緊要好食。
黎到都九點幾，唔洗等位就有得坐，一坐底見我地揀左好耐，其實都正常，去親食魚旦粉食咩從來都最難揀，由粉面，咩料到加唔加腩汁，仲未計套唔套餐，加個菜，未計撈唔撈。個staff都冇黑面，由我地慢慢揀，畀晒一大堆manu我地睇，最後嗌左個片頭菜肉餃湯飯
菜肉餃魚片頭魚湯飯 46元
片頭菜肉餃湯飯
$46
55 views
0 likes
0 comments
如圖所示，佢地就分開上，湯還湯飯還飯，始終唔係做開湯飯，個湯真係好一般，有魚既鮮甜，但是拼落飯到應該可以重口味d，亦唔期望佢會專登整個重口味湯畀湯飯。
46蚊雖然有d貴但是好足料，雙併有三粒片頭三粒餃。先講菜肉餃，好有口感，好足料，食得出唔係雪到硬一硬拎出黎，亦都唔係機做，粒粒都人手包，佢相對就肉少但係菜多。
魚片頭正正就係呢到招牌!堅好食! 粒粒炸到漲卜卜，好大粒! 同埋咬落去好厚，仲要真係有魚味，唔似外面個d得個樣，佢真係真材實料，有魚鮮味又有口感!
我下次再黎一次都係食番牛腩片頭河，不過片頭堅正! btw 其實佢晚餐都幾抵食 但是真係揀唔岩。
Post
