富東閣海鮮酒家

Open Now

Now Closed

聽聞這𥚃片皮鴨出色，所以就嚟試下啦，但係食完真係覺得好普通甚至可以話唔好食，肉又鞋，皮又唔脆，不過呢個價錢預咗嘅，只係因為傳聞話好食所以有啲期望，不過又唔算好差嗰種，好似燒味部燒鴨嗰種味道囉。餅片就有啲厚，配料都足夠嘅。反而佢啲小炒又幾唔錯。美極蝦好入味，都幾有鑊氣， 食落好惹味，份量都ok。啫啫通菜煲熱辣辣 非常香噴噴 啲通菜都好新鮮, 呢個都係好啱送飯嘅菜式。因為叫咗片皮鴨兩食， 所以就order咗芽菜韭菜花炒鴨絲， 芽菜韭菜花都好新鮮，韭菜花好幼嫩 夾埋一齊幾好食。菜其實最緊要唔老嘛。唔會再嚟食片皮鴨， 不過食小炒就ok。