尚鮮海鮮料理

Open Now

Now Closed

今日約咗朋友行街睇戲食飯,去佐敦行完街諗住喺附近搵啲嘢食下,於是上openrice搜尋一下,見到附近有間海鮮火鍋店,性價比高,食物質素又好似幾好所以去試下。尚鮮海鮮料理,餐廳位置喺佐敦吳松街62號幸福商業大廈1樓,上到去餐廳地方雖然唔係好大,但係座位空間感好足夠,望落去非常整潔,喺度食嘢感覺都幾舒適。湯底我哋選擇咗蟲草花花膠燉雞 186元,雞件都好多食落去雞肉仲係好嫩滑,加咗啲花膠湯底特別香甜,飲左幾碗湯之後再用嚟打邊爐。脆鯇魚片 72元,鯇魚片份量都好多,魚肉好新鮮,入口魚肉爽脆味道鮮甜,加上雞湯嘅味道,令到個鮮味更加突出。田園盛 86元,有蘿蔔,粟米,蔬菜,蕃茄,打邊爐加啲菜,味道特別清甜。四色丸 94元,有牛丸,蝦丸,豬肉丸,墨魚丸,蝦丸口感比較爽口彈牙,牛丸牛肉味香濃,另外墨魚丸鮮味道好重。串燒拼盤 268元,燒牛舌,獅子狗,粟米,海蝦,牛舌真係好入味,加咗少少香料,令到牛舌嘅味道更加有層次,燒海蝦燒到啱啱好,蝦肉仲係好juicy。牛三拼 268元,有手切肥牛,特尚手切牛,牛柳粒,牛肉脂肪分佈均勻,入口牛肉味香濃,加上帶有少少油花,食落去特別香口。