重慶劉一手火鍋店 (Closed)

今日出去食lunch本身係打算食韓國野，但同事一經過呢間火鍋就話好想食，happy friday間唔事一餐半餐貴少少都okay。本身都驚會唔會太辣，但好彩佢另外都有豬骨湯底。肉有兩盤，一牛一豬，兩盤都不錯。 個人認為牛丸同埋鴨血定豬紅幾出色，最好味係佢嘅麻糬。但坦白講其他野只可以話係正常。我地三個人叫一個餐，三個女仔食基本上係用麵質飽你。如果有男仔嘅話一定唔夠飽。今晚每人要$285，講真lunch$285絕對有更好嘅選擇。