4號烤吧 (Closed)

天氣開始轉諒， 係食雞煲嘅好時機， 去咗大和嘅「4號烤吧 」食dinner ! 一打開張order 紙， 竟然有個《牛之豐盛 $198》， 今次唔食雞煲， 食番個牛煲先， 啱晒我啲牛魔王， 一個煲有七款牛嘅部位， 包括有牛脷、金錢肚、牛肺、牛腸、牛孖筋、牛坑腩&肥牛， 真係十分豐富， 好一煲《牛之豐盛》。 因為朋友唔食得好辣， 可以揀辣嘅程度， 甚至好似我咁揀唔辣，任君選擇！ 嘩， 牛之豐盛， 真係好大煲， 好香， 湯底充滿濃郁牛肉味，太美！ 牛坑腩炆得入味，炆得好腍，口感十足，肥瘦適中、好好食。 牛孖筋囗感煙韌， 入口彈牙，又唔會太軟， 正呀！ 烏冬煙煙韌韌， 仲吸收晒湯嘅精華， 十分惹味！叫咗火鍋配料， 例如白鱔片， 肉質爽脆，肥美鮮甜。 唔飽唔緊要， 白飯係任食呀！ 追加隻《混你個醬之燒乳鴿》， 乳鴿嫩滑多汁， 炸得皮脆肉嫩，值得推介， 好惹味！ 打邊爐梗係叫嘢飲啦！《水果茶》味道豐富， 充滿果香， 味道酸酸甜甜， 啱晒打邊爐啦， 大家不仿一試！ 食完仲有遊戲玩！