牛欄牛什粉麵

Open Now

Now Closed

我大胃王又出動, 今日一人要去荃灣On Site工作, 由於時間彈性, 我選擇中午十二點半食午餐, 唔駛同其他人迫嘛! Good! 行過沙咀道大街, 發現對面馬路棚架下有大大招牌寫住 “牛欄牛什粉麵” 正! 本人亦鍾意食牛, 急不及待過去試試, 原來東主新開張, 咁就幫襯下啦!坐低睇睇餐牌, 見到牛什麵價錢唔貴喎! 加三蚊又有飲品送, 結果點佐五香牛什麵, 加凍奶茶一杯, 得到大胃王稱號就梗係唔只叫咁少, 老細, 再來一碟腐乳通菜加碟炸魚皮, 睇落好睇, 跟住就試試!牛什麵 – 我本人對食牛講究, 唔只要牛什好食, 仲要腩汁好味, 結果兩樣都做到! 睇o黎老細d牛什靚靚之餘, 師傅手勢都了得, 食落爽口, 而且炆得非常入味! 料亦唔少, 有d 與眾不同o既感覺! 最後連腩汁都飲了一大半! Yummi Yummi~腐乳通菜 – 造得不油不膩, 好味!魚皮 – 脆脆好味!奶茶 – 香滑唔 “鞋” 口, 正!總括, 令我回味的午餐, 好鬼正o既與眾不同牛什麵!!! 食佐咁多嘢都唔會滯! 我完全接受到囉!!!!!~~~ 下次推給朋友