祥榮茶冰廳

Open Now

Now Closed

週六早上嚟到呢度附近，上面學校區有停車鏢位可以泊車，行落嚟搵到呢間茶餐廳，門口有售賣麵包蛋糕。室內裝修好有香港地道特色，綠色白色階磚地，板櫈卡位，樓底夠高，坐得舒適。食客以中年人士及長者居多。第一次見早餐可以揀菠蘿包跟麵餐，都可以揀牛油餐包，餐肉、腸仔、火腿、蛋可以任揀兩款或者食火腿奄列都得，多種配搭，梗有一款啱你心意。仿鮑魚火腿絲麵，鮑魚只有一片，火腿絲就大量，麵質爽口。沙爹牛肉麵，沙嗲汁夠香濃，牛肉入味夠淋，塊塊食得。茶餐廳最重要係杯奶茶，奶茶夠香夠滑，這裏的算中上水平，用黑白淡奶一定有質素保證，唔落糖都好好飲。其他早餐同出面嘅選擇都差唔多。晚餐會有煲仔菜、小菜，多種不同選擇，鍾意嘅仲可以啤啤佢，相信都係做街坊生意多。