台灣館 (Closed)

尋日出左去交收，交收完見餓餓地，加上上次去過得寶商場食野果陣見到好多餐廳，今次揀左另一間去食。餐廳叫做台灣館，但除左台式料理之外，仲有烤魚、港式小炒等，多元化。 ⦁台灣三杯雞 $72三杯雞都算台灣最出名既餸之一，雞肉好彈牙，入面仲有兩隻雞翼仔。配料又有洋蔥又有九層塔，味道偏重偏香，岩晒送飯。 ⦁XO醬四季豆炒豚肉 $72XO醬係香口既，四季豆炒得黎都keep到翠綠色，而豚肉口感似超薄身既豬頸肉彈牙爽口。整體黎講好夠鑊氣，如果有d辣味既話會更加惹味。 ⦁洛神花茶 $23酸味唔重，甜度對我地黎講偏甜。中和左果酸度，令杯野飲冇咁酸，容易入口。 ⦁水蜜桃紅茶 $23水蜜桃味好香好濃烈，但都系過分地甜。今次我唔記得左同店員講聲少甜，真失策！