相馬日式火鍋 (Closed)

今日同朋友去左打邊爐簡左個牛小排放題，就係鐘意牛小排既油花分布均勻又豐富，口感有肉汁而鮮嫩，牛味濃郁。雞肉就比較肥左少少，豚肉質素都好唔錯。夾丸既雪櫃有層膠隔住，客人要夾個閎自行拉開，感覺幾衛生，丸子既種類都幾豐富。串燒比較欣賞雞肉串同薄燒牛舌串，十分惹味，串燒得黎肉質都好嫩滑，燒汁味道濃郁，牛舌又爽口。蠔好大隻新鮮又無腥味。甜品方面有個相當吸引既朱古力噴泉，仲有雪條同其他甜品，雪條竟然有D 小時候食過既彩色水果雪條，有點懷舊風。飲品任飲，汽水同茶類飲品都一應俱全，仲可以加$58任飲啤酒。