金銘潮州粉麵餐廳

Open Now

Now Closed

放工去油麻地辦啲事，攪掂後搵食嚟咗呢間。都唔係第一次幫襯，不過記憶唔多，今日突然想食牛雜就再嚟嘗一嘗。晚上7點幾，客人唔多，所以座位充足，同其他食客都可以有啲距離。我就叫咗碗牛雜河。當中有牛膀、牛肺、牛大腸、牛小腸同草肚。好可惜一件金錢肚都冇，失望。牛膀薄而冇質感，其他都尚算入味，不過不失。大佬就食牛腩飯，牛腩食落都好有牛味，件件都有肥膏，甘香得嚟好邪惡。肉質都屬於軟冧至少唔黏牙。仲有大大嚿蘿蔔入晒味，腩汁濃得嚟都唔算太咸，送飯一流。食物份量適中，價錢中等，服務一般，所以CP值成正比。