Video
Read full review
2018-01-24
913 views
熊妹愛上牛油果已經不是新聞，再發現魏太太近排竟然在追求健康食品，加上high tea 本身已是熊妹同魏太太的不良嗜好，帝都酒店呢個新推出的牛油果下午茶仲唔係熊妹同魏太太的天堂?帝都酒店都唔難去架，係沙田新城市廣場可以穿入過去，1+1吧係帝都酒店大堂，下午茶時間正正3點3開始，可能因為星期一又下午茶時段掛，餐廳唔算多人。熊妹同魏太太就揀左梳化位坐喇，舒服啲。呢個牛油果afternoon tea set真係無得頂，簡直係熊妹同魏太太的大大大恩物。 tea set入面真係用好多真材實料的牛油果弄成，好似牛油果多士，迷你牛油果漢堡包，其中牛油果天婦羅，有成舊牛油果係入面架，真係好驚喜，仲有個牛油果朱古力慕絲，整到十足十油果咁既樣，熊妹同魏太太都食到lam lam脷。其餘仲有蜜糖蘋果花酥，香芋cupcake，蟹肉餅都好好味，完全唔係得個樣，真係回味無窮。飲品方面仲包埋牛油果奶昔，簡直係完美的配搭。奶昔絕對唔欺場，飲到粒粒牛油果肉，完全豐富哂熊妹同魏太太的味蕾。呢餐真係俘虜哂熊妹同魏太太呢兩個牛油果控的心，滿足哂一星期食牛油果的quota同慾望。最最最後來的驚喜係今次呢個牛油果主題下午茶原來係同s
熊妹愛上牛油果已經不是新聞，再發現魏太太近排竟然在追求健康食品，加上high tea 本身已是熊妹同魏太太的不良嗜好，帝都酒店呢個新推出的牛油果下午茶仲唔係熊妹同魏太太的天堂?
帝都酒店都唔難去架，係沙田新城市廣場可以穿入過去，1+1吧係帝都酒店大堂，下午茶時間正正3點3開始，可能因為星期一又下午茶時段掛，餐廳唔算多人。熊妹同魏太太就揀左梳化位坐喇，舒服啲。
avocado afternoon tea set
32 views
0 likes
0 comments
呢個牛油果afternoon tea set真係無得頂，簡直係熊妹同魏太太的大大大恩物。 tea set入面真係用好多真材實料的牛油果弄成，好似牛油果多士，迷你牛油果漢堡包，其中牛油果天婦羅，有成舊牛油果係入面架，真係好驚喜，仲有個牛油果朱古力慕絲，整到十足十油果咁既樣，熊妹同魏太太都食到lam lam脷。其餘仲有蜜糖蘋果花酥，香芋cupcake，蟹肉餅都好好味，完全唔係得個樣，真係回味無窮。
avocado milkshake
30 views
0 likes
0 comments
飲品方面仲包埋牛油果奶昔，簡直係完美的配搭。奶昔絕對唔欺場，飲到粒粒牛油果肉，完全豐富哂熊妹同魏太太的味蕾。
呢餐真係俘虜哂熊妹同魏太太呢兩個牛油果控的心，滿足哂一星期食牛油果的quota同慾望。
最最最後來的驚喜係今次呢個牛油果主題下午茶原來係同skin food合作的，享受呢個afternoon set會送埋一人一份skin food avocado cream sample，豐富埋熊妹同魏太太的皮膚，真係大讚無比。
不過，提倡營養學的熊妹係度提提大家，雖然牛油果近年被升級為超級食品，其營養價值因為包含多種維他命同礦物質以及其三分二脂肪為不飽和脂肪酸而大大提升，但當中的熱量其實頗高，一個中型牛油果大概有200多卡，而且包含大概20克脂肪，建議一星期吃一至兩個就足夠營養價值了。
Post
