新明記肥牛豬骨煲

Open Now

Now Closed

又踏入冬季，相熟既朋友都知我係邊爐怪，入冬就差不多一星期打三四次邊爐，講到成日去又平又抵食既，九龍區我會推介呢間﹗ 佐敦新明記，在炮台街，晚晚爆場，勝在食物質素不錯又抵食﹗ 打邊爐，湯底我一向都係其次，每次出去食飯我都係點最平那個湯，就好似呢個芫茜皮蛋﹗而家好多坊間都整色整水又魚翅又龍蝦湯，成百幾蚊個，對食物生料根本完全起不了作用，想飲湯的不如去叫盅燉湯吧﹗ 近呢個幾月，呢度晚晚都有膏蟹仔供應，$30隻﹗ 咪睇佢細細隻，尐膏真係頂哂角架，食落有如蛋黃一樣甘香，一人一隻唔好執輸﹗ 手切牛肉$168﹗色水很不錯，輕灼後牛味香濃，無渣，脂香撲鼻，千其唔好蘸任何醬油，唔係真係浪費咗佢﹗但我都要講吓，新明記有佐敦同大圍店，我兩間都經常幫趁，大圍既牛肉比佐敦的更勝一籌，新界區既朋友唔洗咁遠出到九龍﹗因大圍更好吃﹗而佐敦的亦有佢比大圍好的地方，就係佢既自家包既雜餃﹗包得隻隻飽滿，睇見都想食﹗後面既係鮮帶子，今日的偏細粒，之前食大大粒架，十分鮮甜﹗魚皮餃都係自己包架，餃皮煙韌，肉汁餡料極多，超乎想像的香口好吃，真係一人吃一碟也不為過﹗韭菜餃豬肉同韭菜既比例配得好好，吃下滿口生香，堅正﹗兩個麻甩佬，4支