616牛肉火鍋專門店 (新時代中心)

Open Now

Now Closed

中意食牛嘅朋友一定要嚟試呢間出曬名嘅良心打邊爐店！銅鑼灣分店望落唔大，但佢嘅牆壁設計超級港式，夠地道。員工服務質素都超級好，雖然全場爆滿同佢嘅人手不足，但都盡力服侍每檯客人，又上菜又加湯又送嘢飲，服務態度一流佢個沙嗲湯底超濃，基本上唔洗點豉油點其他醬都夠曬入味。朋友都驚沙嗲湯太濃，所以嗌多咗個菜湯中勻翻。佢啲牛肉分咗唔同部位，因為第一次食，所以咩部位都試吓，當中最突出，回頭度最高嘅一定係花雕醉牛同牛肩胛，前者酒味濃但完全唔會醉；後者入口即溶又軟熟另外都推薦大家飲佢個玫瑰洛神花茶，酸酸哋，甚有開胃功效。仲要價錢唔貴，埋單每人200左右已經夠曬飽肚，性價比勁高