港味

Open Now

Now Closed

不嬲幫襯開，之前覺得幾好食既. 今日就飲下午茶，叫左其他都正正常常. 唯獨呢一個山竹牛肉球，佢根本全部都變左粉紅色（看圖）！！我地擔心係壞左既肉或者係未熟就立即同待應講啦. 個女侍應佢不斷講「係咁架...」之後佢就攞入去蒸點心前面問其他同事，我仲聽到有個講「新鮮咪粉紅色囉！ 」，我心諗「下，原來我之前食既全部都唔新鮮🙄」（已經食過呢間牛肉球幾次，絕對唔係咁既色）. 幾經擾攘，佢叫左個男既待應佢先肯幫手取消退回呢個牛肉球......我想講佢地待應每日都攞咁多野食俾客人，唔知邊啲野食係唔妥或唔熟？ 想人食到肚屙先知妥？？希望改善下前線員工既態度，唔係死撐就不了了之.